سؤال مربك لأي رائد أعمال!
ليه في شركات كتير بتنمو بالعافية، وعلى الناحية التانية شركات أكتر بتنمو بصورة طبيعية؟
في بداياتي كنت بشوف نفس المشهد يتكرر:
شركات بتعتمد على “شطارة المدير”، على وجوده، على مجهوده…
ولما يتعب أو ينشغل، الشركة نفسها تتعب.
كنت بشوف مؤسسات عندها أفكار عظيمة…
لكن بتتراجع بسبب الفوضى، ضعف الهيكلة، وغياب النظام.
ومع الوقت أدركت إن في فجوة ضخمة بين:
النظريات اللي بنقرأها… والواقع اللي بنشتغل فيه.
الفجوة دي هي اللي شكلت نقطة التحول.
هي اللحظة اللي فهمت فيها إن المشكلة مش في الناس…
المشكلة في غياب النظام.
ومن هنا بدأت الرحلة!
السلام عليكم أنا عبد الله عامر
درست في الأزهر الشريف مكان بيزرع فيك الانضباط، التفكير العميق، والنظر للمعرفة كرحلة مش مجرد مادة.
وبعدها سافرت الولايات المتحدة بمنحة من السفارة الأمريكية.
ودرست هناك الفلسفة، الحوكمة، والعلاقات العامة…
ودخلت عالم مؤسسي مختلف تمامًا:
أنظمة واضحة، مسؤوليات محددة، وديناميكية تشغيلية ما بتعتمدش على شخص واحد مهما كان شاطر.
ووسط كل ده كنت رئيس اتحاد الطلبة المسلمين في الجامعة…
وده كان أول احتكاك حقيقي بفكرة:
إزاي تبني مجتمع، وتقوده، وتخلق نظام يخلي الكل يتحرك في اتجاه واحد؟
وبعد ما رجعت مصر، بدأت رحلة التدريب والتعليم…
ومن هنا اتخذ المسار شكل مختلف.
Building English Capsule - المختبر الحقيقي للتجربة
لما أسست English Capsule سنة 2015، كانت مجرد فكرة بسيطة: منصة تعليم لغات.
لكن في الحقيقة… كانت المختبر اللي طبقّت فيه كل حاجة تعلمتها.
-بنيت نظام تعليمي من الصفر.
-أدرت فريق مدربين.
-أسست أكبر مجتمع تعليمي للغة الإنجليزية في المنطقة.
-وقدرت أخدم مع فريقي أكتر من 200 ألف متعلم بشكل مباشر، و 2 مليون بشكل غير مباشر. رقم مش هييجي من غير نظام.
كشفتلي الحقيقة بوضوح English Capsule
الشركة اللي مفيهاش نظام… بتقف عند أي أزمة.
والشركة اللي فيها نظام… تكبر مهما الظروف اتغيرت.
ومن هنا اتّضح الطريق أكتر.
Building English Capsule - المختبر الحقيقي للتجربة
الشركات مش محتاجة عباقرة…
بعد عشر سنين من التعليم، الإدارة، بناء المجتمعات، والسفر…
وصلت لاكتشاف واحد:
الشركات مش محتاجة عباقرة…
الشركات محتاجة أنظمة.
النظام هو اللي:
بيدي وضوح للناس.
بيحدد المسؤوليات.
بيكشف الواقع الحقيقي للأرقام.
وبيسمح للبيزنس ينمو بدون ما يعتمد على “وجودك” 24/7.
وهنا بدأت أبني الإطار الخاص بيّ:
من الفوضى → لـ نظام → لـ شركة تقود نفسها.
إطار عملي… بعيد عن الكلام الأكاديمي.
إطار مبني على الواقع… وعلى الأخطاء… وعلى النجاحات.
ومن هنا بدأت أشتغل مع شركات مختلفة:
صغيرة، متوسطة، ناشئة، تعليمية، تقنية…
وكل مرة كانت النتيجة واحدة:
لما النظام يتحط… النمو يبدأ.
فـ لو بتحس إن شركتك "بتقوم وتقع"...
شايف إن النمو أبطأ من اللي المفروض يكون…
أو عايز تبدأ شركتك بشكل صـح من أول يوم..
فأنا جاهز أشاركك الطريق اللي اكتشفته خلال 10 سنين من التجارب الحقيقية.
